Testamente eNdala

Imibhalo yabaprofeti bamandulo abasebenza phantsi kwempembelelo yoMoya oyiNgcwele nabathi ngaphezu kweenkulungwane ezininzi bangqina ngoKrestu nobufundisi Bakhe bexesha elizayo. Kanjalo iqulathe imbali yezembali ka-Abraham nenzala yakhe, kuqalela kuAbraham, nomnqophiso, okanye itestamente, iNkosi eyawenza kunye nezizukulwana zakhe.

Incwadi zokuqala ezintlanu zeTestamente eNdala zazibhalwe nguMoses. ZiyiGenesis, IEksodus, ILevitikus, INumeri, neDuteronomi. IGenesis ibhekisa ekuqaleni komhlaba, uluntu, iilwimi, iintlanga, nokuqaleka kwendlu kaSirayeli.

Incwadi zembali zibalisa ngeziganeko zikaSirayeli. Ezi ncwadi nguYoshuwa, AbaGwebi, uRute, eyo-Ⅰ neye-Ⅱ kaSamuweli, Abo-Ⅰ nabe-Ⅱ Ookumkani, ezo-Ⅰ neze-Ⅱ IziKronike, uEzra, uNehemiya, noEstere.

Iincwadi eziyimibongo zibhalwe ngobulumko obuthile noncwadi lwabaprofeti. ZinguYobhi, IiNdumiso, ImiZekeliso, INtshumayeli, Ngoma yazo Iingoma, IziLilo zikaYeremiya.

Abaprofeti balumkisa uSirayeli ngezono zakhe baza bengqina ngeentsikelelo eziza zivela kwintobeko. Baprofetha ngokuza kukaKrestu, owayeza kuhlawulela izono zabo baguqukayo, bafumana imimiselo, baze baphile ivangeli. Iincwadi zabaprofeti zezikaIsaya, uYeremiya, uHezekile, uDaniyeli, uHoseya, uYoweli, uAmos, uObhadiya, uYona, uMika, uNahum, uHabhakuki, uZefaniya, uHagayi, uZekariya, noMalaki.

Ezona zininzi iincwadi zeTestamente eNdala zazibhalwe ngesiHebhere. Imibhalo embalwa iqulathe isiAramu, ulwimi oluzalanayo.