Ofis, ofisye Gade tou nan Òdinasyon, òdone; Prètriz Pozisyon otorite oubyen responsablite nan yon òganizasyon, li itilize souvan nan ekriti yo pou demontre yon pozisyon otorite nan prètriz la; li kapab vledi tou devwa ki asosye avèk pozisyon an oubyen avèk moun ki gen pozisyon an. Tout manm yo pa gen menm ofis, Wom. 12:4. Nou te mayifye ofis nou devan Senyè a, Jakòb 1:19. Mèlkisedèk te gen ofis nan gran prètriz la, Alma 13:18. Devwa ministeryèl zanj yo se pou yo rele tout moun nan repantans, Mowo. 7:31. Pèsonn pa dwe resevwa òdinasyon nan okenn ofis nan legliz sa a san konsantman legliz la, D&A 20:65. Se pou chak moun rete nan ofis pa li, D&A 84:109. Gen plizyè prezidan oubyen ofisye prezidan ki gen chaj nan pami moun ki te resevwa òdinasyon nan de prètriz sa yo, D&A 107:21. Devwa moun ki prezide sou tèt ofis kowòm prètriz yo dekri, D&A 107:85–98. Se pou chak moun aprann devwa yo epi pou yo aji nan ofis yo lonmen yo a, D&A 107:99–100. M ba ou ofisye yo ki nan prètriz mwen an, D&A 124:123.