Aje
Yon pwofèt Ansyen Testaman ki te pwofetize nan Jerizalèm apwoksimativman 520 anvan Jezikri, yon ti tan apre pèp Juif la te retounen soti nan egzil nan Babiloni (Esd. 5:1; 6:14). Li te pale konsènan rekonstriksyon tanp Senyè a nan Jerizalèm epi li te blame pèp la poutèt li pa t fini. Li te ekri konsènan tanp nan Milenyòm nan ak gouvènman Sovè a tou.
Liv Aje a
Nan chapit 1, Senyè a te blame pèp la poutèt yo t ap viv nan kay nèf yo tandiske tanp la te rete san bati. Chapit 2 anrejistre pwofesi Aje ki fè konnen Senyè a ap bay lapè nan tanp li a.