Lafwa

Konfyans nan yon bagay oubyen yon moun. Jan yo itilize l pi souvan nan ekriti yo, lafwa se konfyans ak kwayans nan Jezikri ki fè yon moun obeyi Li. Lafwa dwe santre sou Jezikri pou l kapab kondi yon moun nan sali. Sen Dènye jou yo gen lafwa tou nan Papa Bondye, Sentespri a, pouvwa prètriz la ak lòt aspè enpòtan nan levanjil retabli a.

Esperans bagay ki pa vizib, men ki vre, fè pati lafwa, (Ebre 11:1; Alma 32:21; Etè 12:6). Lafwa moun limen lè y ap tande sèvitè otorize Bondye voye pou preche yo levanjil la (Wom. 10:14–17). Mirak pa pwodui lafwa, men se obeyisans nan levanjil Jezikri la ki devlope lafwa solid. Sa vle di, se jistis ki pwodui lafwa (Alma 32:40–43; Etè 12:4, 6, 12; D&A 63:9–12).

Vrè lafwa mennen mirak, vizyon, rèv, gerizon, ak tout don Bondye bay Sen Li yo. Avèk lafwa yon moun resevwa padon pou peche li yo epi finalman li kapab rete nan prezans Bondye. Lè yon moun manke lafwa, mennen moun nan dezespwa, ki vini akoz inikite (Mowo. 10:22).

Lafwa w geri w, Mat. 9:22 (Mak 5:34; Lik 7:50).
Jan lafwa w ye a se konsa sa ap ye pou ou, Mat. 9:29.
Si ou gen lafwa menm jan ak yon grenn moutad, anyen p ap enposib pou ou, Mat. 17:20 (Lik 17:6).
M te priye pou ou, pou lafwa w pa abandone w, Lik 22:32.
Lafwa nan Kris te fè nonm sa a vin fò, Tra. 3:16.
Lafwa vini lè moun ap tande pawòl Bondye, Wom. 10:17.
Si Kris pa t resisite lafwa w anven tou, 1 Kor. 15:14.
Lafwa travay nan lanmou, Gal. 5:6.
Ak gras, ou sove nan lafwa, Efe. 2:8 (2 Ne. 25:23).
Pran pwoteksyon lafwa a, Efe. 6:16 (D&A 27:17).
M te fini kous mwen an, m te kenbe lafwa a, 2 Tim. 4:7.
Lafwa a se asirans nan bagay yon moun espere, Ebre 11:1.
San lafwa li enposib pou fè l plèzi, Ebre 11:6.
San zèv, lafwa a mouri, Jak 2:17–18, 22.

M pral fè bagay Senyè a te kòmande m yo, 1 Ne. 3:7.
Senyè a kapab fè tout bagay pou lèzòm, si yo mete lafwa nan li, 1 Ne. 7:12.
Egwi yo nan Lyawona a fonksyone daprè lafwa, 1 Ne. 16:28.
Repanti, epi batize nan non l, gen lafwa total nan Sen an, 2 Ne. 9:23.
Kris fè gran mirak nan pami lèzòm daprè lafwa yo, 2 Ne. 26:13 (Etè 12:12; Mowo. 7:27–29, 34–38).
Peche Enòs yo te padone poutèt lafwa l nan Kris, Enòs 1:3–8.
Okenn moun pa gen sali san lafwa nan Senyè Jezikri a, Mozya 3:12.
Kè yo chanje poutèt lafwa nan non l, Mozya 5:7.
Sèvitè Bondye yo resevwa repons priyè yo daprè lafwa yo, Mozya 27:14.
Ban nou fòs daprè lafwa nou nan Kris, Alma 14:26.
Rele non Bondye avèk lafwa, Alma 22:16.
Lafwa pa vle di pou moun genyen yon konesans pafè konsènan tout bagay, Alma 32:21 (Etè 12:6).
Lè l kòmanse devlope, lè sa a, nouri l avèk lafwa w, Alma 33:23 (Alma 32:28).
Yo te prezève poutèt pouvwa mirakile Bondye akoz gran lafwa yo te genyen, Alma 57:25–27.
Tout moun ki leve tèt gade Pitit Gason Bondye a avèk lafwa kapab sove, Ela. 8:15.
M wè lafwa w ase pou m geri w, 3 Ne. 17:8.
Lafwa se bagay moun espere, san yo pa wè l, Etè 12:6.
Tout moun ki fè mirak, yo fè l avèk lafwa, Etè 12:12–18.
Si yo gen lafwa nan mwen, lè sa a m ap fè bagay fèb vin fò pou yo, Etè 12:27–28, 37.
Mòmon te anseye konsènan lafwa, esperans, ak charite, Mowo. 7.
Nenpòt bagay ki bon ou mande Papa a nan non m, avèk lafwa, si w kwè w ap resevwa, reyèlman, w ap resevwa l, Mowo. 7:26.
Moun ki gen lafwa nan Kris y ap pwoche bò tout bon bagay, Mowo. 7:28.
Si w mande, avèk lafwa nan Kris, l ap fè w konnen verite a, Mowo. 10:4.