Jewobowam Nan Ansyen Testaman an, Jewobowam se te premye wa nan pati nò Izrayèl ki te divize a. Li te yon manm nan tribi Efrayim nan. Jewobowam, mechan an te dirije yon rebelyon kont kay Jida a ak fanmi David la. Jewobowam te tabli idòl pou pèp la adore nan Dan ak Betèl, 1 Wa 12:28–29. Akija te reprimande Jewobowam, 1 Wa 14:6–16. Yo te sonje Jewobowam paske li te pote yon peche tèrib bay Izrayèl, 1 Wa 15:34 (1 Wa 12:30).