Eritye Yon moun ki gen dwa pou l eritye don fizik ak espirityèl. Nan ekriti yo, moun ki jis yo resevwa pwomès pou yo vin tounen eritye tout sa Bondye genyen. Abraram te vle gen yon eritye, Jen. 15:2–5. Abraram te vin tounen yon eritye mond lan poutèt jistis lafwa, Wom. 4:13. Nou se pitit Bondye, epi si nou se pitit li, konsa nou se eritye Bondye, epi koeritye avèk Kris, Wom. 8:16–17 (D&A 84:38). Ou se yon pitit gason epi yon eritye Bondye, nan Kris, Gal. 4:7. Bondye te fè Pitit Gason li a eritye tout bagay, Ebre 1:2. Moun ki chèche pou peche yo padone, yo se eritye wayòm Bondye a, Mozya 15:11. Pèp la te vin tounen pitit Kris epi eritye wayòm Bondye a, 4 Ne. 1:17. Moun ki mouri san konesans levanjil la, yo kapab vin tounen eritye wayòm selès la, D&A 137:7–8. Mò ki repanti yo eritye sali, D&A 138:58–59. Abraram te vin tounen eritye poutèt jistis li, Abr. 1:2.