Dilijans Efò vanyan, konsistan, espesyalman nan sèvis Senyè a ak obeyisans pawòl li. Koute m avèk dilijans, Eza. 55:2. Bondye ap rekonpanse tout moun ki chèche l avèk dilijans, Ebre 11:6. Bay tout dilijans, ajoute vèti sou lafwa w, 2 Pyè 1:5. Anseye pawòl Bondye a avèk dilijans, Jakòb 1:19. Yo te li ekriti yo avèk dilijans, Alma 17:2. Yo te vle respekte kòmandman yo avèk tout dilijans, 3 Ne. 6:14. An nou travay avèk dilijans, Mowo. 9:6. Angaje nou nan bon koz avèk dilijans, D&A 58:27. Ni tou pa parese men travay avèk fòs ou, D&A 75:3. Koute pawòl lavi etènèl yo avèk dilijans, D&A 84:43. Se pou chak moun aprann travay li, epi pou l aji avèk tout dilijans, D&A 107:99.