Kè Gade tou nan Fèt ankò, fèt nan Bondye; Kè brize Yon senbòl lespri, ak volonte lèzòm; nan sans figire, li se sous figiratif tout emosyon ak santiman. Renmen Senyè Bondye w la avèk tout kè w, Det. 6:5 (Det. 6:3–7; Mat. 22:37; Lik 10:27; D&A 59:5). Senyè a te konsidere yon nonm daprè kè pa l, 1 Sam. 13:14. Lèzòm gade sou aparans fizik, men Senyè a gade nan kè, 1 Sam. 16:7. Yon moun ki gen men pwòp ak kè pi, l ap monte sou kolin Senyè a epi l ap beni, Sòm 24:3–5 (2 Ne. 25:16). Jan yon moun panse nan kè l, se konsa li ye, Pwov. 23:7. Eli pral vire kè zansèt yo bay timoun yo epi kè timoun yo bay zansèt yo, Mal. 4:5–6 (Lik 1:17; D&A 2:2; 110:14–15; 138:47; I—JS 1:38–39). Moun ki gen kè pi yo beni, Mat. 5:8 (3 Ne. 12:8). Yon moun pale daprè bonte oubyen movèzte kè li, Lik 6:45. Suiv Pitit Gason an avèk tout senserite kè w, 2 Ne. 31:13. Èske w te fèt espirityèlman nan Bondye epi èske yon gran chanjman te opere nan kè w, Alma 5:14. Ofri Senyè a yon kè dou ak yon lespri kontri kòm sakrifis, 3 Ne. 9:20 (3 Ne. 12:19; Etè 4:15; Mowo. 6:2). M ap fè Sentespri a di w nan kè w ak nan lespri w, D&A 8:2.