Mari, manman Jezi Gade tou nan Jezikri; Jozèf, mari Mari a Nan Nouvo Testaman an, yon vyèj Papa Bondye te chwazi pou l vin manman Pitit Gason l lan sou tè a. Apre nesans Jezi, Mari te gen lòt pitit (Mak 6:3). Li te fiyanse avèk Jozèf, Mat. 1:18 (Lik 1:27). Jozèf te resevwa konsèy poul pa divòse avèk Mari oubyen pou l pa sispann fiyansay la, Mat. 1:18–25. Wa Maj yo te vizite Mari, Mat. 2:11. Mari ak Jozèf te sove ale nan Ejip avèk bebe a, Jezi, Mat. 2:13–14. Apre lanmò Ewòd, fanmi an te retounen Nazarèt, Mat. 2:19–23. Zanj Gabriyèl te vizite Mari, Lik 1:26–38. Li te vizite kouzin li a, Elizabèt, Lik 1:36, 40–45. Mari te ofri Senyè a yon sòm louwanj, Lik 1:46–55. Mari te ale Bètleyèm avèk Jozèf, Lik 2:4–5. Mari te fè Jezi epi li te mete l nan yon etab, Lik 2:7. Bèje yo t ale Bètleyèm pou yo vizite bebe a, Kris la, Lik 2:16–20. Mari ak Jozèf te mennen Jezi nan tanp Jerizalèm nan, Lik 2:21–38. Mari ak Jozèf te mennen Jezi nan fèt Pak la, Lik 2:41–52. Mari te nan maryaj nan Kana a, Jan 2:2–5. Pandan Sovè a te sou kwa a, li te mande Jan pou li pran swen manman l, Jan 19:25–27. Mari te avèk Apot yo apre Kris te fin monte nan syèl la, Tra. 1:14. Mari te yon vyèj pi bèl, pi agreyab pase tout lòt vyèj, 1 Ne. 11:13–20. Yo te gen pou rele manman Kris la Mari, Mozya 3:8. Mari t ap yon vyèj, yon vèsèl chwazi ki presye, Alma 7:10.