Jozye
Yon pwofèt epi yon dirijan nan Ansyen Testaman an, ki te vin apre Moyiz. Li te fèt nan Ejip anvan pitit Izrayèl yo te chape (Nonb 14:26–31). Limenm ak Kalèb te pami douz espyon yo te voye nan Kanaran yo. Yo se sèl moun ki te bay yon bon rapò konsènan peyi a (Nonb 13:8, 16–33; 14:1–10). Li te mouri a laj 110 zan (Joz. 24:29). Jozye te yon gwo egzanp kòm yon pwofèt gèrye ki te devwe.
Liv Jozye a
Liv sa a te pote non Jozye poutèt li te pèsonaj prensipal ladan l, men se pa paske li te ekri. Chapit 1–12 dekri konkèt Kanaran an; Chapit 13–24 pale de jan tribi Izrayèl yo te divize tè a ak dènye konsèy Jozye yo.
De vèsè remakab nan liv Jozye a se kòmandman Senyè a te ba li pou l medite sou ekriti yo (Joz. 1:8) ak apèl Jozye te rele pèp la pou yo fidèl devan Senyè a (Joz. 24:15).