Dyab

Satan. Dyab la se ènmi jistis ak moun k ap chèche fè volonte Bondye. Literalman, li se yon pitit gason espirityèl Bondye epi yon lè li te yon zanj ki te gen otorite nan prezans Bondye (Eza. 14:12; 2 Ne. 2:17). Sepandan, li te revòlte nan lavi premòtèl la epi li te pèsyade yon tyè nan pitit espirityèl Papa a pou yo revòlte avèk li (D&A 29:36; Moyiz 4:1–4; Abr. 3:27–28). Yo te chase yo nan syèl la, yo te pèdi opòtinite pou yo te gen yon kò mòtèl pou yo te kapab fè eksperyans lavi mòtèl la, epi y ap kondane etènèlman. Depi lè yo te chase dyab la nan syèl la, l ap chèche tout tan pou l twonpe tout gason ak tout fi pou l kondi yo lwen travay Bondye a—pou l rann tout moun mizerab menm jan avèk li (Apok. 12:9; 2 Ne. 2:27; 9:8–9).

Moun mechan an ap desann nan kaptivite dyab la, 1 Ne. 14:7.
Dyab la se papa tout manti, 2 Ne. 2:18 (Moyiz 4:4).
Dyab la ap chèche pou tout moun kapab vin mizerab menm jan avèk li, 2 Ne. 2:27.
Si kò a pa t ap janm leve, lespri nou t ap soumèt anba dyab la, 2 Ne. 9:8–9.
Dyab la ap fè raj, l ap pasifye epi l ap flate, 2 Ne. 28:20–23.
Bagay ki move soti nan dyab la, Omni 1:25 (Alma 5:40; Mowo. 7:12, 17).
Fè atansyon pou kontansyon pa leve nan pami w, pou w pa obeyi lespri malen an, Mozya 2:32.
Si w pa mouton bon bèje a, dyab la se bèje w, Alma 5:38–39.
Dyab la p ap ede pitit li yo, Alma 30:60.
Priye tout tan pou tantasyon dyab la pa pote w ale, Alma 34:39 (3 Ne. 18:15, 18).
Bati fondasyon w sou Redanmtè a pou gwo siklòn dyab la pa gen pouvwa sou ou, Ela. 5:12.
Dyab la se kreyatè tout peche, Ela. 6:26–31.

Legliz dyab la

Chak move òganizasyon monden sou tè a k ap pèvèti levanjil pi, pafè a epi ki goumen kont ti Mouton Bondye a.