Hivá
Siʻoku Kāinga ke Mou Tokanga
ʻŪ Futinōutí

Hide Footnotes

Kaveingá

25

Siʻoku Kāinga ke Mou Tokanga

ʻI he loto-mālohi

1. Siʻoku kāinga ke mou tokanga,

Kuo pau ke hoko mai ʻa e fakatanga,

Sio atu ki muʻa ki hotau ʻOtua,

Naʻe hāʻele mai pea kalusefai,

Ko e sīpinga ia mo e hala ke tau fou ai.

[Chorus]

ʻOua ʻe kalofa-

ki ʻa ʻeta moʻuí

Mei he fakatanga

kae tāpuaki.

2. Ko Sitiveni ne tolomakaʻi,

Ko Filipe ʻena ne kalusefai,

Mo Paanepasa tolo ʻaki e maka,

ʻAnitelū mo Pita ne kalusefai,

Mo Siosefa Sāmita ne nau fanaʻi.

[Chorus]

ʻOua ʻe kalofa-

ki ʻa ʻeta moʻuí

Mei he fakatanga

kae tāpuaki.

3. Lau ki ai ʻa Paula hono fakatangaʻi,

Ne nau taaʻi pea tolomakaʻi,

Taki tolungofulu mā hiva hono taaʻi,

Pea liunga nima ʻa e taa ne ʻai,

Nofo ʻi he tahi pō mo e ʻaho he mamahi.

[Chorus]

ʻOua ʻe kalofa-

ki ʻa ʻeta moʻuí

Mei he fakatanga

kae tāpuaki.

4. Naʻá Ne talamai ke mou vakai,

Kuo pau ke hoko ʻa e ngaahi mamahi,

ʻE fakatangaʻi pe ʻa Hono kakaí,

ʻE lumaʻi pea manukiʻi ʻe he kakai,

Kata fiefia hopohopo he ʻaho ko ia.

[Chorus]

ʻOua ʻe kalofa-

ki ʻa ʻeta moʻuí

Mei he fakatanga

kae tāpuaki.

5. Siʻi kāingalotu ke mou tokanga

ʻOua te ta ofo ko hota tufakanga

Lau ki ai ʻa Paula ko e anga faka-ʻOtua

Ke ʻilo ʻa e fakatanga mo e luma

Kae lahi ʻa e kakai kuo tūkia ai.

[Chorus]

ʻOua ʻe kalofa-

ki ʻa ʻeta moʻuí

Mei he fakatanga

kae tāpuaki.

Fakaleá mo e tuʻungafasí: Pita Vī, 1860–1931

ʻAlamā 1:25

Tokāteline mo e Ngaahi Fuakava 101:35