Ko e ngaahi meʻa ʻoku hoko pe foaki ʻe he ʻOtuá ki he kakaí ke fakahā ʻoku ʻi ai ha faʻahinga meʻa mahuʻinga ʻi heʻene ngāué kuo hoko pe ʻoku ʻamanaki ke hoko. Kuo ʻosi kikiteʻi ha ngaahi fakaʻilonga lahi ʻo e hāʻele ʻanga ua mai ʻa e Fakamoʻuí ʻi he ngaahi ʻaho fakaʻosí. ʻOku hanga ʻe he ngaahi fakaʻilonga ko ʻení ʻo ngaohi ʻa e kakai tui faivelengá ke nau fakatokangaʻi ʻa e palani ʻa e ʻOtuá, pea fakatokangaʻi ai ʻa kinautolu, mo nau teuteu foki.
ʻE fokotuʻu maʻu ʻa e moʻunga ʻo e fale ʻo Sihová ʻi he tumutumu ʻo e ngaahi moʻungá, ʻĪsaia 2:2–3 .
ʻE hiki hake ʻe he ʻEikí ha fuka, pea tānaki ʻa ʻIsileli, ʻĪsaia 5:26 (2 Nīfai 15:26–30 ).
ʻE fakapoʻuli ʻa e laʻaá pea ʻe ʻikai ulo atu ʻa e maama ʻo e māhiná, ʻĪsaia 13:10 (Sioeli 3:15 ; T&F 29:14 ).
ʻE maumauʻi ʻe he kakaí ʻa e fonó mo e fuakava taʻengatá, ʻĪsaia 24:5 .
ʻE lea ʻa e kau Nīfaí ʻo hangē ha leʻo mei he efú, ʻĪsaia 29:4 (2 Nīfai 27 ).
ʻE tānaki ʻa ʻIsileli ʻi he mālohi, ʻĪsaia 49:22–23 (1 Nīfai 21:22–23 ; 3 Nīfai 20–21 ).
ʻE fokotuʻu hake ʻe he ʻOtuá ha puleʻanga ʻa ia ʻe ʻikai toe ʻauha, Taniela 2:44 (T&F 65:2 ).
ʻE muʻomuʻa ʻa e ngaahi tau, ngaahi misi, mo e ngaahi meʻa-hā-mai ʻi he Hāʻele ʻAnga Uá, Sioeli 2 .
ʻE tānaki fakataha ʻa e ngaahi puleʻanga kotoa pē ki Selūsalema ke tau, Sāk. 14:2 (ʻIsikeli 38–39 ).
ʻOku haʻu ʻa e ʻaho ʻe vela ʻo hangē ko e ngotoʻumu, Malakai 4:1 (3 Nīfai 25:1 ; T&F 133:64 ; SS—H 1:37 ).
ʻE hoko ha ngaahi fakatuʻutāmaki lahi ki muʻa ʻi he Hāʻele ʻAnga Uá, Mātiu 24 (SS—M 1 ).
Naʻe fakamatalaʻi ʻe Paula ʻa e hē mo e ngaahi taimi fakatuʻutāmaki ʻi he ngaahi ʻaho fakaʻosí, 2 Tīm. 3–4 .
ʻE fakapoongi ha palōfita ʻe toko ua peá na toe tuʻu hake ʻi Selūsalema, Fakahā 11 (T&F 77:15 ).
ʻE fakafoki mai ʻa e ongoongoleleí ʻi he ngaahi ʻaho fakaʻosí ʻi he ngāue mai ʻa e kau ʻāngelo, Fakahā 14:6–7 (T&F 13 ; 27 ; 110:11–16 ; 128:8–24 ).
ʻE fokotuʻu hake pea ʻe tō ʻa Pāpilone, Fakahā 17–18 .
ʻE matala ʻa e kau Leimaná, T&F 49:24–25 .
ʻE tāmateʻi ʻe he kau fai angahalá ʻa e kau fai angahalá, T&F 63:32–35 (Fakahā 9 ).
ʻE lilingi hifo ai ʻa e tau ki he ngaahi puleʻanga kotoa pē, T&F 87:2 .
ʻE ʻi ai ʻa e ngaahi fakaʻilonga, pea moveuveu ʻa e ngaahi ʻelemēnití, pea teuteu ʻe he kau ʻāngeló ʻa e hāʻeleʻangá ki he hāʻele mai ʻa e ʻEikí, T&F 88:86–94 .
ʻE ʻufiʻufi ʻe he fakapoʻulí ʻa e māmaní, T&F 112:23–24 .
Naʻe fekau ʻe he ʻEikí ki he Kāingalotú ke nau teuteu ki he Hāʻele ʻAnga Uá, T&F 133 .