Fanongonongo Fakamafaiʻi—1

Naʻe pulusi ia ʻi he ngaahi peesi fakaʻosi ʻo e Tokāteline mo e Ngaahi Fuakavá, ʻoku ui ʻa e konga ʻuluaki ʻo e Fanongonongo Fakamafaiʻi—1 ko e Fakamatala Fakamafaiʻi. Naʻe fai ia ʻe Palesiteni Uilifooti Utalafi pea fokotuʻu atu ia ki he kāingalotu ʻo e Siasí ʻi ha konifelenisi lahi ʻi he ʻaho 6 ʻo ʻOkatopa 1890. Naʻe kamata ʻi he 1862, hano fokotuʻu ʻo ha ngaahi lao kehekehe ʻi he taʻu ʻe uofulu mā nima ne hokó ke taʻe-fakalao ʻa e mali tokolahí ʻi he ʻIunaiteti Siteití. Naʻe fakahā ʻe he ʻEikí kia Uilifooti Utalafi ʻi ha meʻa-hā-mai mo ha fakahā ʻa e meʻa ʻe hoko kapau ʻe ʻikai taʻofi ʻe he Kāingalotú ʻa ʻenau fai ʻa e mali tokolahí. Naʻe fakahā ʻi he Fakamatala Fakamafaiʻí ʻoku ʻikai ke toe fai ʻa e ngaahi mali tokolahí.