Ko ha aleapau ʻi he vahaʻa ʻo e ʻOtuá mo e tangatá, ka ʻoku ʻikai te nau tuʻunga tatau ʻi he aleapau ko iá. ʻOku fokotuʻu mai ʻe he ʻOtuá ʻa e ngaahi tuʻunga ki he fuakavá, pea ʻoku loto leva ʻa e tangatá ke fai ʻa e meʻa ʻokú ne finangalo ke nau faí. ʻOku talaʻofa mai leva ʻe he ʻOtuá ki he tangatá ha ngaahi tāpuaki koeʻuhi ko ʻenau talangofuá.
ʻOku maʻu ʻa e ngaahi tefitoʻi moʻoní mo e ngaahi ouaú ʻi he fuakava. ʻOku palōmesi ʻa e kāingalotu ʻo e Siasí ʻa ia ʻoku nau fai ʻa e ngaahi fuakava ko iá ke nau tauhi ia. Hangē ko ʻení, ʻoku fuakava ʻa e kāingalotú mo e ʻEikí ʻi he papitaisó pea nau fakafoʻou ʻa e ngaahi fuakava ko iá ʻi heʻenau maʻu ʻa e sākalamēnití. ʻOku nau toe fai foki mo e ngaahi fuakava ʻi he temipalé. ʻOku hoko ʻa e kakai ʻo e ʻEikí ko ha kakai ʻo e fuakava pea ʻoku tāpuekina lahi ʻa kinautolu ʻi heʻenau tauhi ʻa ʻenau ngaahi fuakava mo e ʻEikí.