Fakamāʻoniʻoniʻí Vakai foki ki he Fakaleleí, Fakaleleiʻí; Fakatonuhiá, Fakatonuhiaʻí; Sīsū Kalaisi Ko e founga ia ʻo e tauʻatāina mei he angahalá, pea hoko ʻo haohaoa, maʻa, mo māʻoniʻoni tuʻunga ʻi he fakalelei ʻa Sīsū Kalaisí (Mōsese 6:59–60). Kuo fili ʻa kimoutolu ʻe he ʻOtuá ki he fakamoʻuí ʻi he fakamāʻoniʻoniʻi ʻe he Laumālié, 2 Tēsal. 2:13. ʻOku fakamāʻoniʻoniʻi ʻa kitautolu, ʻi he feilaulau ʻaki ʻa e sino ʻo Sīsuú, Hepelū 10:10. Naʻe mamahi ʻa Sīsū koeʻuhi ke ne fakamāʻoniʻoni ʻa e kakaí ʻaki hono taʻataʻa ʻoʻoná, Hepelū 13:12. Naʻe fakamāʻoniʻoniʻi ʻa e kau taulaʻeiki lahí mo fō honau kofú ke hinehina ʻi he taʻataʻa ʻo e Lamí, ʻAlamā 13:10–12. ʻOku hoko ʻa e fakamāʻoniʻoniʻi kiate kinautolu ʻoku nau fakavaivaiʻi ʻa honau lotó ki he ʻOtuá, Hilam. 3:33–35. Fakatomala koeʻuhi ke fakamāʻoniʻoniʻi ʻa kimoutolu ʻi he maʻu ʻo e Laumālie Māʻoniʻoní, 3 Nīfai 27:20. Ko e fakamāʻoniʻoniʻi tuʻunga ʻi he ʻaloʻofa ʻa Sīsū Kalaisí ʻoku totonu mo moʻoni ia, T&F 20:31. Naʻe haʻu ʻa Sīsuú ke fakamāʻoniʻoniʻi ʻa e māmaní, T&F 76:41. Fakamāʻoniʻoniʻi ʻa kimoutolu koeʻuhí ke hanga taha ʻa homou ʻatamaí ki he ʻOtuá, T&F 88:68.