Mīsaiá

Ko ha foʻi lea faka-Alamea mo faka-Hepelū ia ko hono ʻuhingá ko e “tokotaha kuo paní.” ʻOku ui ʻa Sīsū ʻi he Fuakava Foʻoú ko e Kalaisí, ʻa ia ko e foʻi lea faka-Kiliki ia ʻoku ʻuhinga tatau mo e Mīsaiá. Ko hono ʻuhingá ko e Palōfita, Taulaʻeiki, Tuʻi, mo e Tokotaha Fakahaofi kuo pani, ʻa ia naʻe nofo ʻa e kau Siú ʻo tatali fiefia ki heʻene haʻú.

Naʻe tokolahi ʻa e kakai Siu naʻa nau nofo pē ʻo ʻamanaki ki ha tokotaha fakahaofi mei he mālohi ʻo e kau Lomá, pea ki ha tuʻumālie fakapuleʻanga lahi ange, ko ia ʻi he hāʻele mai ʻa e Mīsaiá, naʻe fakafisinga ia ʻe he kau takimuʻá mo e fuʻu tokolahi kehe. Ko e kakai loto-fakatōkilaló mo e kau tui faivelengá pē naʻe lava ke nau ʻiloʻi ko e Sīsū ʻo Nāsaletí ʻa e Kalaisi moʻoní (ʻĪsaia 53; Mātiu 16:16; Sione 4:25–26).