Feʻauakí Vakai foki ki he Anga-fakaekakanó; Angamaʻá; Tonó Ko e mohe taʻe-fakalao ia ʻa ha ongo meʻa ʻe toko ua ʻa ia ʻoku ʻikai te na mali. ʻOku faʻa ngāue ʻaki ia ʻi he folofolá ko hano fakaʻilonga ʻo e hē mei he moʻoní. ʻOua naʻá ke fakamaaʻi au, he ʻoku ʻikai totonu ke fai ha meʻa pehē, 2 Sam. 13:12. Fakamamaʻo mei he feʻauakí, Ngāue 15:20. ʻOku ʻikai ki he feʻauakí ʻa e sinó, ka ki he ʻEiki, 1 Kol. 6:13–18. Koeʻuhí telia ʻa e feʻauakí, ke maʻu ʻe he tangata taki taha hono ʻunohó, 1 Kol. 7:2–3. Ko e finangalo ʻeni ʻo e ʻOtuá, ke mou tapu mei he feʻauakí, 1 Tēsal. 4:3. Naʻe fakatokanga ʻa Sēkope ki he kakai ʻo Nīfaí ʻo kau ki he feʻauakí, Sēkope 3:12. ʻOku mou lolotonga teuteuʻi ʻa kimoutolu, koeʻuhi ko hoʻomou ngaahi fakapoó mo hoʻomou feʻauakí ki he fakaʻauhá, Hilam. 8:26. Kuo pau ke fakatomala ʻa e kau feʻauakí, pea ʻe toki tali ʻa kinautolu ki he Siasí, T&F 42:74–78.