ʻOku lava ke ʻuhinga ʻa e melinó ʻi hono ngāue ʻaki ʻi he folofolá ki he tauʻatāina mei he taú mo e moveuveú pe ko e fiemālie mo e nonga ʻa e lotó tupu mei he Laumālie ʻa ia ʻoku foaki ʻe he ʻOtuá ki heʻene Kau Māʻoniʻoni tui faivelengá.
Ko e tauʻatāina mei he taú mo e moveuveú
ʻOkú ne fakaʻosi ʻa e ngaahi taú, Same 46:9 .
Pea ʻe ʻikai te nau toe ako ki he tau, ʻĪsaia 2:4 .
Ko e melino mei he ʻOtuá ki he kau talangofuá
ʻE ui ʻa e Fakamoʻuí ko e Pilinisi ʻo e Melino, ʻĪsaia 9:6 .
ʻOku ʻikai ha fiemālie ki he kakai angahalá, ʻĪsaia 48:22 .
Naʻe tokolahi ʻa e kau ʻāngelo mei he langí, ʻoku nau fakamālō ki he ʻOtuá, ʻo pehē, Fakafetaʻi ki he ʻOtua ʻi ʻolunga pea ʻi māmani ʻa e melinó, Luke 2:13–14 .
ʻOku ou tuku ʻa e melinó kiate kimoutolu, Sione 14:27 .
Ko e melino ʻa e ʻOtuá ʻoku lahi hake ʻaupito ʻi he faʻa ʻiló, Filipai 4:7 .
Naʻe maʻu ʻe he kakai ʻo e Tuʻi ko Penisimaní ʻa e fiemālie ʻo e konisēnisí, Mōsaia 4:3 .
Hono ʻikai fakaʻofoʻofa ʻi he ngaahi moʻungá ʻa e vaʻe ʻo kinautolu ʻoku kei fakahā ʻa e melinó, Mōsaia 15:14–18 (ʻĪsaia 52:7 ).
Naʻe tangi ʻa ʻAlamā ki he ʻEikí peá ne maʻu ʻa e fiemālie, ʻAlamā 38:8 .
Ko e ngaahi laumālie ʻo e faʻahinga ʻoku māʻoniʻoní ʻe tali ʻa kinautolu ki ha potu ʻo e fiefia, ʻAlamā 40:12 .
ʻIkai naʻá ku lea ʻaki ʻa e fiemālie ki ho ʻatamaí ʻi he meʻá? T&F 6:23 .
ʻAʻeva ʻi he angamalū ʻo hoku Laumālié, pea te ke maʻu ʻa e melinó ʻiate au, T&F 19:23 .
Ko ia ia ʻokú ne fai ʻa e ngaahi ngāue ʻo e māʻoniʻoní te ne maʻu ʻa e melinó, T&F 59:23 .
Fakakofuʻi ʻa kimoutolu ʻaki ʻa e haʻi ʻo e manavaʻofá, ʻa ia ko e haʻi ʻo e haohaoá mo e melinó, T&F 88:125 .
ʻE hoku foha, ke ʻi ho lotó ʻa e melino, T&F 121:7 .