Halaiá Vakai foki ki he Fakatomalá, Fakatomalaʻí Ko e tuʻunga ia ʻo e fai ha hala, pe ngaahi ongoʻi loto-mamahi mo e faingataʻaʻia ʻoku totonu ke ō fakataha mo e fai angahalá. Kapau ʻe fai angahala ha taha pea halaia, Lev. 6:1–6. Ko ia ia ʻe maʻu taʻefeʻunga ʻa e sākalamēnití ʻoku halaia ia ʻi he sino mo e taʻataʻa ʻo e ʻEikí, 1 Kol. 11:27. ʻOku lau ʻe he halaiá ʻoku fefeka ʻa e moʻoní, 1 Nīfai 16:2. Te tau maʻu ha ʻilo haohaoa ki heʻetau ngaahi angahala kotoa pē, 2 Nīfai 9:14. Naʻe matafi atu ʻa ʻeku ongoʻi halaiá, ʻĪnosi 1:6. Naʻe ʻi ai ha tautea naʻe fokotuʻu, ʻa ia naʻe ʻomai ʻa e tautea ʻo e konisēnisí, ʻAlamā 42:18. Tuku hoʻo ngaahi angahalá ke fakahohaʻasi koe, ʻaki ʻa e hohaʻa ʻa ia ʻe ʻohifo ai koe ki he fakatomalá, ʻAlamā 42:29. ʻOku ʻi ai hamou niʻihi ʻoku halaia ʻi hoku ʻaó, ka te u ʻaloʻofa, T&F 38:14. Kuo fai ʻa e fakalelei ʻe he ʻAlo ʻo e ʻOtuá ki he ʻuluaki angahalá, Mōsese 6:54.