ʻAtamaí Ko e ivi fakaʻatamaí; ko e ngaahi mālohi ki he ʻilo ʻi he ngaahi fakakaukaú. Tauhi kiate ia ʻaki ho lotó kotoa, pea ʻi he loto fie fai, 1 Fkmtl. 28:9. ʻOfa kia Sihova ko ho ʻOtuá ʻaki ho lotó kotoa, Mātiu 22:37. Ko e fakakaukau ki he ngaahi meʻa ʻo e māmaní ko e maté ia, pea ko e fakakaukau ki he ngaahi meʻa fakalaumālié, ko e moʻui taʻengatá ia, 2 Nīfai 9:39. Naʻe ongo mai ʻa e leʻo ʻo e ʻEikí ki hoku ʻatamaí, ʻĪnosi 1:10. Naʻe mālohi lahi ange ʻa e ngāue ʻa e folofolá ʻi he fakakaukau ʻa e kakaí ʻi he heletā, ʻAlamā 31:5. Te u fakahā kiate koe ʻi ho ʻatamaí, T&F 8:2. Fakakaukauʻi ia ʻi ho ʻatamaí, T&F 9:8. Tuku ke nofoʻia ʻi homou ʻatamaí ʻa e ngaahi meʻa mamafa ʻo e nofo taʻengatá, T&F 43:34. Kuo fakapoʻuliʻi ʻa homou ʻatamaí ʻi he ngaahi taimi kuo hilí, T&F 84:54. ʻAlu ʻo mohe ʻi he teʻeki ai ke fuoloa ʻa e poʻulí, ʻā hengihengi hake koeʻuhi ke longomoʻui ʻa homou sinó mo e ʻatamaí, T&F 88:124. ʻOku ʻikai ʻiloʻi ʻe Sētane ʻa e finangalo ʻo e ʻOtuá, Mōsese 4:6. Naʻe ui ʻe he ʻEikí ʻa hono kakaí ko Saione, koeʻuhí he naʻa nau loto-taha pē mo fakakaukau taha, Mōsese 7:18.