Ko e ngaahi meʻa lilo ʻa e ʻOtuá ʻa e ngaahi moʻoni fakalaumālie ʻoku toki ʻiloʻi pē ʻi he fakahā. ʻOku fakahā mai ʻe he ʻOtuá ʻa ʻene ngaahi meʻa liló kiate kinautolu ʻoku nau talangofua ki he ongoongoleleí. ʻOku ʻi ai ha niʻihi ʻo e ngaahi meʻa lilo ʻa e ʻOtuá ʻoku teʻeki fakahā mai.
Kuo tuku kiate kimoutolu ke ʻilo ʻa e ngaahi meʻa lilo ʻo e puleʻanga ʻo e langí, Mātiu 13:11 .
Kapau te u ʻilo ʻa e ngaahi meʻa fakalilolilo kotoa pē pea ʻikai te u maʻu mo e ʻofá, ko e meʻa noa pē au, 1 Kol. 13:2 .
Naʻe maʻu ʻe Nīfai ha ʻilo lahi ki he ngaahi meʻa lilo ʻa e ʻOtuá, 1 Nīfai 1:1 .
ʻOku tuku ki ha tokolahi ke ʻiloʻi ʻa e ngaahi meʻa lilo ʻa e ʻOtuá, ʻAlamā 12:9 .
ʻOku tuku ki he faʻahinga peheé ke ʻilo ʻa e ngaahi meʻa lilo ʻa e ʻOtuá, ʻAlamā 26:22 .
ʻOku teʻeki ai ke fakahā kakato mai kiate au hono kotoa ʻo e ngaahi meʻa liló ni, ʻAlamā 37:11 .
ʻOku ʻi ai ha ngaahi meʻa lilo lahi kuo taʻofi ke ʻoua naʻa ʻilo ki ai ha taha ka ko e ʻOtuá pē, ʻAlamā 40:3 .
Hono ʻikai ke lahi ʻa hono lilo ʻo e anga faka-ʻOtuá, T&F 19:10 .
Kapau te ke kole, te ke maʻu ha fakahā pea mo ha ʻilo ke ke ʻiloʻi ʻa e ngaahi meʻa lilo ʻo e puleʻangá, T&F 42:61, 65 (1 Kol. 2:7, 11–14 ).
Ko ia ia ʻokú ne tauhi ʻa e ngaahi fekaú ʻe foaki kiate ia ʻa e ngaahi meʻa lilo ʻo e puleʻangá, T&F 63:23 .
Te u fakahā kiate kinautolu ʻa e ngaahi meʻa lilo kotoa pē, T&F 76:7 .
ʻOku maʻu ʻe he lakanga fakataulaʻeiki lahi angé ʻa e kī ʻo e ngaahi meʻa lilo ʻo e puleʻangá, T&F 84:19 .
ʻI he hāʻele mai ʻa e ʻEikí, te ne fakahā ʻa e ngaahi meʻa fufū ʻa ia naʻe ʻikai ke ʻiloʻi ʻe ha tangata, T&F 101:32–33 .
ʻE maʻu ʻe he Lakanga Taulaʻeiki Faka-Melekisētekí ʻa e ngaahi meʻa lilo ʻo e puleʻangá, T&F 107:19 .