Tuʻunga maʻu mafai pe fatongia ʻi ha kautaha, pea ʻoku faʻa fakaʻaongaʻi ia ʻi he ngaahi folofolá ʻo ʻuhinga ki ha lakanga ʻi he mafai ʻo e lakanga fakataulaʻeikí; ʻoku lava ke toe ʻuhinga ia ki he ngaahi fatongia ʻoku vaheʻi ki ha lakanga pe tuʻunga pe ko ha tokotaha ʻokú ne maʻu ha lakanga pe fatongia.
Naʻá ma tauhi faivelenga ʻa homa lakangá ki he ʻEikí, Sēkope 1:19 .
Naʻe maʻu ʻe Melekisēteki ʻa e lakanga ʻo e lakanga fakataulaʻeiki māʻolungá, ʻAlamā 13:18 .
Ko e lakanga ʻo e ngāue ʻa e kau ʻāngeló ke ui ʻa e kakaí ki he fakatomalá, Molonai 7:31 .
ʻOku ʻikai totonu ke fakanofo ha tokotaha ki ha lakanga ʻe taha ʻi he siasí ni taʻe-hikinimaʻi ʻe he potu siasi ko iá, T&F 20:65 .
Tuku ke tuʻu ʻa e tangata taki taha ʻi hono lakanga ʻoʻoná, T&F 84:109 .
Kuo pau pē ke ʻi ai ʻa e kau palesiteni, pe kau ʻōfisa pule ʻe fili meiate kinautolu ʻoku fakanofo ki he ngaahi lakanga kehekehe ʻi he ongo lakanga fakataulaʻeiki ko ʻení, T&F 107:21 .
Ko hono fakamatalaʻi ʻo e ngaahi fatongia ʻo kinautolu ʻoku nau puleʻi ʻa e ngaahi lakanga ʻo e ngaahi kōlomu ʻo e lakanga fakataulaʻeikí, T&F 107:85–98 .
Tuku ke akó ni ʻo ʻilo ʻe he tangata kotoa pē ʻa hono fatongiá, pea ke ngāue ʻi he lakanga kuo fili ia ki aí, T&F 107:99–100 .
ʻOku ou foaki ʻeni kiate kimoutolu ʻa e kau ʻōfisa ʻoku kau ki heʻeku Lakanga Fakataulaʻeikí, T&F 124:123 .