Mahakí Ko e puke ʻi ha mahaki pe maʻu ha faʻahinga mahaki ʻoku faʻa lau ʻi he taimi ʻe niʻihi ʻi he ngaahi folofolá, ko e mahamahaki fakasinó ko ha fakaʻilonga ia ʻo e ʻikai ke moʻui lelei fakalaumālie (ʻĪsaia 1:4–7; 33:24). Kuó u ongoʻi hoʻo lotú, kuó u mamata ki ho ngaahi loʻimatá, vakai, te u fakamoʻui koe, 2 Ng. Tuʻi 20:1–5 (2 Fkmtl. 32:24; ʻĪsaia 38:1–5). Naʻe ʻalu ʻa Sīsū ʻi he potu kotoa pē ʻo fakamoʻui ʻa e mahaki kehekehe kotoa pe mo e hangatāmaki kotoa pē, Mātiu 4:23–24 (1 Nīfai 11:31; Mōsaia 3:5–6). ʻOku ʻikai ʻaonga ʻa e faitoʻó kiate kinautolu ʻoku moʻui leleí ka ki he mahamahakí, Mātiu 9:10–13 (Maʻake 2:14–17; Luke 5:27–32). Ka ai ha taha ʻiate kimoutolu ʻoku mahaki ke tala ia ki he kaumātuʻá, Sēmisi 5:14–15. ʻE toʻo ʻe Kalaisi kiate ia ʻa e ngaahi mamahi mo e ngaahi mahaki ʻoku moʻua ai hono kakaí, ʻAlamā 7:10–12. Naʻe fakamoʻui ʻe Sīsū ʻa e mahaki kotoa pē ʻi he kau Nīfaí, 3 Nīfai 26:15. Fafangaʻi ʻa e kau mahakí ʻi he tauhi angaʻofa lahi ʻaki ʻa e ngaahi ʻakau iiki mo e meʻakai vaivai, T&F 42:43 (ʻAlamā 46:40). Manatuʻi ʻi he ngaahi meʻa kotoa pē ʻa e mahakí mo e tukuhāusiá, T&F 52:40. Hilifaki ho nimá ki he kakai mahakí, pea te nau moʻui, T&F 66:9.