Ko ha tokotaha ʻokú ne maʻu ʻa e totonu ke ne maʻu ʻa e ngaahi meʻa-foaki fakasino mo fakalaumālie. ʻOku talaʻofa ʻi he folofolá ki he kau māʻoniʻoní te nau hoko ko e kau ʻea-hoko ki he ngaahi meʻa kotoa pē ʻoku maʻu ʻe he ʻOtuá.
Naʻe hoko ʻa ʻĒpalahame ko e tangata ʻea hoko ʻa māmani ʻi he māʻoniʻoni mo e tui, Loma 4:13 .
Ko e fānau ʻa e ʻOtua ʻa kitautolu, pea kapau ko e fānau pea tā ko e kau hoko, ko e kau hoko ki he ʻOtuá, pea ko e kau hoko fakataha mo Kalaisi, Loma 8:16–17 (T&F 84:38 ).
Kapau ko e foha, ko e foha hoko ʻo e ʻOtuá ʻia Kalaisi, Kalētia 4:7 .
Kuo tuʻutuʻuni ʻe he ʻOtuá ʻa hono ʻAló ke ʻaʻana ʻa e meʻa kotoa pē, Hepelū 1:2 .
Ko kinautolu ʻoku ʻamanaki atu ki ha fakamolemole ʻo ʻenau ngaahi angahalá, ko e kau ʻea-hoko ki he puleʻanga ʻo e ʻOtuá, Mōsaia 15:11 .
Naʻe hoko ʻa e kakaí ko e fānau ʻa Kalaisi mo e kau ʻea-hoko ki he puleʻanga ʻo e ʻOtuá, 4 Nīfai 1:17 .
Ko kinautolu kuo nau pekia taʻemaʻu ha ʻilo ki he ongoongoleleí te nau hoko ko e kau ʻea-hoko ki he puleʻanga fakasilesitialé, T&F 137:7–8 .
Ko e kau pekia ko ia ʻoku fakatomalá te nau hoko ko e kau ʻea-hoko ki he fakamoʻuí, T&F 138:59 .