Ke ngaohi ke tali ʻi he langí ʻa e ngaahi ouau naʻe fakahoko ʻi he mafai ʻo e lakanga fakataulaʻeikí ʻi he māmaní. ʻOku fakamaʻu ʻa e ngaahi ouaú ʻi he taimi ʻoku fakangofua ai ia ʻe he Laumālie Māʻoniʻoni ʻo e Talaʻofá, ʻa ia ko e Laumālie Māʻoniʻoní.
ʻOku ou tuku kiate koe ʻa e mālohi, ke ʻilonga ʻa e meʻa te ke fakamaʻu ʻi māmaní, ʻe fakamaʻu ia ʻi he langí, Hilam. 10:7 .
ʻOku foaki kiate kinautolu ʻa e mālohi ke fakamaʻu ʻi he māmaní pea ʻi he langí fakatouʻosi, T&F 1:8 .
Ko kinautolu ʻi he nāunau fakasilesitialé ʻoku fakamaʻu ʻa kinautolu ʻe he Laumālie Māʻoniʻoni ʻo e Talaʻofá, T&F 76:50–70 .
ʻOku tuku ʻe ʻIlaisiā ʻa e ngaahi kī ʻo e mālohi ke fakamaʻú ki he nima ʻo Siosefa Sāmitá, T&F 110:13–16 .
Ko e mālohi ʻeni ke fakamaʻu mo nonoʻó, T&F 128:14 .
Ko e lea papau ange ʻo e kikité ko hono ʻuhingá ko hono ʻiloʻi ʻe ha tangata kuo fakamaʻu hake ia ki he moʻui taʻengatá, T&F 131:5 .
Ko e ngaahi fuakava kotoa pē, ʻa ia ʻoku ʻikai fakamaʻu ʻaki ʻa e Laumālie Māʻoniʻoni ʻo e talaʻofá ʻoku ngata ia ʻo ka mate ʻa e tangatá, T&F 132:7 .
Ko e fuʻu ngāue lahi ʻe fai ʻi he ngaahi temipalé ʻoku kau ai hono fakamaʻu ʻo e fānaú ki heʻenau mātuʻá, T&F 138:47–48 .