ʻImanuela

Ko e taha ʻo e ngaahi huafa ʻo Sīsū Kalaisí. Ko e maʻu ia mei he ngaahi lea ʻi he lea faka-Hepeluú ʻa ia ko hono ʻuhingá, “Ko e ʻOtua ʻiate kitautolu.”

Ko e ʻImanuelá, ko e huafa ia ʻoku ʻomi ko ha fakaʻilonga ʻo e fakamoʻui ʻa e ʻOtuá (ʻĪsaia 7:14). Naʻe fakamahinoʻi mai ʻe Mātiu, ʻoku hoko ʻa e fakamatala ʻa ʻĪsaia ki he ʻImanuelá ko hano kikiteʻi ia ʻo e ʻaloʻi mai ʻo Sīsū ki he moʻui fakamatelié (Mātiu 1:18–25). ʻOku toe ʻasi foki ʻa e huafa ko iá ʻi he ngaahi folofola ʻo e onopōní (2 Nīfai 17:14; 2 Nīfai 18:8; T&F 128:22).