Ko e ngaahi lea, ʻoku tohi pe lea ʻaki, ʻa ia ʻoku fakatahatahaʻi ʻi ha ngaahi sīpinga pau koeʻuhí ke fakafetuʻutaki ʻaki ha faʻahinga meʻa, pe ngaahi fakakaukau. ʻOku hā mei he anga ʻo ʻetau ngāue ʻaki ʻa e leá ʻa e faʻahinga ongo ʻoku ʻi hotau lotó ʻo kau ki he ʻOtuá mo e kakai kehé. ʻE foaki mai ʻe he ʻEikí ki he faʻahinga kotoa ʻo e tangatá ha lea haohaoa ʻi he hāʻele ʻanga ua mai ʻa Sīsū Kalaisí (Sēf. 3:8–9).