Solomone Vakai foki ki he Pātisepa; Tēvita Ko ha foha ia ʻo Tēvita mo Pātisepa ʻi he Fuakava Motuʻá (2 Sam. 12:24). Naʻe hoko ʻa Solomone ko ha tuʻi ʻo ʻIsileli ʻi ha vahaʻataimi. Naʻe fokotuʻu ʻe Tēvita ʻa Solomone ko e tuʻi, 1 Ng. Tuʻi 1:11–53. Naʻe fekau ʻe Tēvita kia Solomone ke ne ʻaʻeva ʻi he ngaahi hala ʻo e ʻEikí, 1 Ng. Tuʻi 2:1–9. Naʻe talaʻofa ʻe he ʻEikí kiate ia ha loto-mahino, 1 Ng. Tuʻi 3:5–15. Naʻá ne fakamāuʻi ha ongo fefine, ʻo fakapapauʻi ʻa e faʻē totonu ʻa e tamá, 1 Ng. Tuʻi 3:16–28. Leaʻaki ʻa e ngaahi palōvepi mo e ngaahi hiva, 1 Ng. Tuʻi 4:32. Langa ʻa e temipalé, 1 Ng. Tuʻi 6; 7:13–51. Fakatapui ʻa e temipalé, 1 Ng. Tuʻi 8. ʻAʻahi mai kiate ia ʻa e kuini ʻo Sipá, 1 Ng. Tuʻi 10:1–13. Naʻe mali ʻa Solomone ki tuʻa ʻi ʻIsileli, pea hanga ʻe hono ngaahi uaifí ʻo fakatafoki hono lotó ke hū ki he ngaahi ʻotua loi, 1 Ng. Tuʻi 11:1–8. Naʻe houhau ʻa e ʻEikí kia Solomone, 1 Ng. Tuʻi 11:9–13. Ko ʻene pekiá, 1 Ng. Tuʻi 11:43. Naʻe kikiteʻi ʻe Tēvita ʻa e nāunau ʻo e pule ʻa Solomoné, Same 72. Naʻe maʻu ʻe Solomone ʻa e ngaahi uaifi mo e kau sinifu tokolahi, ka naʻe ʻi ai ʻa e niʻihi naʻe ʻikai tali ia ʻe he ʻEikí, T&F 132:38 (Sēkope 2:24).