Seilomi
Ko ha foha ʻo ʻĪnosi ʻi he Tohi ʻa Molomoná pea ko ha mokopuna ua ia ʻo Līhai. Naʻá ne tauhi ʻa e ngaahi lekooti ʻa e kau Nīfaí ʻi ha taʻu ʻe onongofulu, 420–361 K.M. (ʻĪnosi 1:25; Seilomi 1:13). Ko ha tangata tui faivelenga ia ʻa ia naʻá ne fili ke fakasiʻisiʻi pē ʻene tohi ki he lekooti fakahisitōliá (Seilomi 1:2).
Ko e tohi ʻa Seilomí
ʻOku veesi pē ʻe hongofulu mā nima ʻa e tohi ko ʻeni ʻi he Tohi ʻa Molomoná. Naʻe tohi ʻe Seilomi naʻe kei hoko atu pē ʻa e tauhi ʻe he kau Nīfaí ʻa e fono ʻa Mōsesé pea nau nofo ʻo ʻamanaki atu ki he hāʻele mai ʻa Kalaisí. Naʻe tataki kinautolu ʻe he ngaahi tuʻi ʻa ia ko ha kau tangata mālohi ʻi he tuí. Naʻa nau tuʻumālie ʻi heʻenau talangofua ki honau kau palōfitá, kau taulaʻeikí, mo e kau akonakí.