Uouongatahá Vakai foki ki he ʻOtuá Ke fuofua hoko ʻo taha mo ʻetau Tamai ʻi Hēvaní mo Sīsū Kalaisi, ʻi he fakakaukau, holi, mo e taumuʻa, pea toki hoko atu ki he Kāingalotu kehé. Ko hono lelei ʻo e nofo fakataha ʻa e kāingá ʻi he feʻofoʻofaní, Same 133:1. Ko au mo e Tamaí ʻokú ma taha pē, Sione 10:30 (T&F 50:43). Naʻe lotu ʻa Sīsū ke taha ʻa e kakai kotoa pē ʻo hangē ko ʻene taha mo e Tamaí, Sione 17:11–23 (3 Nīfai 19:23). ʻOku ou kole kiate kimoutolu ke ʻoua naʻa ʻi ai ʻa e ngaahi mavahevahé ʻiate kimoutolu, ka mou māʻopoʻopo lelei ʻo loto taha pē, 1 Kol. 1:10. Fakapapauʻi hoʻomou ngaahi fakakaukaú mo homou lotó, pea uouongataha ʻi he ngaahi meʻa kotoa pē, 2 Nīfai 1:21. ʻOku totonu ke ke taha ʻa e loto ʻo e kau māʻoniʻoní ʻi he uouongataha, Mōsaia 18:21. Naʻe lotua ʻe Sīsū ke uouongataha ʻa ʻene kau ākonga Nīfaí, 3 Nīfai 19:23. Naʻe kau fakataha ʻa e kau ākongá ʻi he lotu fakamātoato mo e ʻaukai, 3 Nīfai 27:1. ʻOku taha pē ʻa e Tamaí, ʻAló mo e Laumālie Māʻoniʻoní, T&F 20:27–28 (T&F 35:2; 50:43). Ko ho fatongiá ke ke kau ki he siasi moʻoní, T&F 23:7. Ko e meʻa kotoa pē te mou kole ʻi he tuí pea loto-taha ʻi he lotu te mou maʻu ia, T&F 29:6. Kapau ʻoku ʻikai te mou taha, ʻoku ʻikai ʻaʻaku ʻa kimoutolu, T&F 38:27. Naʻe ui ʻe he ʻEikí ʻa hono kakaí ko Saione, koeʻuhí he naʻa nau loto-taha pē mo fakakaukau taha, Mōsese 7:18.