Tohi Hohokó

Ko ha lekooti ia ʻoku fakatotolo ai ʻa e hokohoko ʻo e hako ʻo ha fāmili. Naʻe mahuʻinga ʻaupito ʻi he folofolá ʻa e ngaahi tohi hohokó ʻi heʻene fekauʻaki mo e ngaahi lakanga ʻi he lakanga fakataulaʻeikí pe ko ha ngaahi tāpuaki ʻa ia ʻoku fakangatangata pē ki ha fāmili (Sēnesi 5; 10; 25; 46; 1 Fkmtl. 1–9; ʻĒsela 2:61–62; Neh. 7:63–64; Mātiu 1:1–17; Luke 3:23–38; 1 Nīfai 3:1–4; 5:14–19; Seilomi 1:1–2). ʻOku hokohoko atu ʻe he kāingalotu ʻo e Siasi kuo toe fakafoki mai ʻi he ʻahó ni ʻa e fakatotolo ki he hokohoko ʻo e ngaahi hako ʻo honau fāmilí koeʻuhí ke nau lava ʻo fakahoko ʻa e ngaahi ouau fakamoʻuí ki heʻenau ngaahi kuí. ʻOku ʻaonga ʻa e ngaahi ouau ko ʻení ki he kakai ko ia kuo pekia ʻa ia ʻoku nau tali ʻa e ongoongolelei ʻa Sīsū Kalaisí ʻi he maama fakalaumālié (T&F 127, 128).