Ko e moʻui ia ʻo taʻengata ko e ngaahi fāmili ʻi he ʻao ʻo e ʻOtuá (T&F 132:19–20, 24, 55 ). Ko e moʻui taʻengatá ʻa e meʻaʻofa mahuʻinga taha ʻa e ʻOtuá ki he tangatá.
ʻOku ʻiate koe ʻa e ngaahi lea ʻo e moʻui taʻengatá, Sione 6:68 .
Pea ko ʻeni ʻa e moʻui taʻengatá, ko ʻenau ʻilo koe ko e ʻOtua moʻoni pē taha, mo Sīsū Kalaisi, Sione 17:3 (T&F 132:24 ).
Tau ʻa e tau lelei, puke ke maʻu ʻa e moʻui taʻengatá, 1 Tīm. 6:12 .
ʻOku tauʻatāina ʻa e kakaí ke nau fili ʻa e tauʻatāiná mo e moʻui taʻengatá, 2 Nīfai 2:27 (Hilam. 14:31 ).
Ko e fakakaukau ki he ngaahi meʻa fakalaumālié, ko e moʻui taʻengatá ia, 2 Nīfai 9:39 .
Pea ʻoku mou tuʻu ai ʻi he hala fāsiʻi ʻa ia ʻoku fakatau ki he moʻui taʻengatá, 2 Nīfai 31:17–20 .
Ko e tui kia Kalaisi pea kātaki ki he ngataʻangá, ko e moʻui taʻengatá ia, 2 Nīfai 33:4 (3 Nīfai 15:9 ).
Ko ia ʻokú ne maʻu ʻa e moʻui taʻengatá ʻoku koloaʻia ia, T&F 6:7 (T&F 11:7 ).
Ko e moʻui taʻengatá, ko e meʻaʻofa ia ʻoku mahuʻinga taha ʻi he ngaahi meʻaʻofa kotoa pē ʻa e ʻOtuá, T&F 14:7 (Loma 6:23 ).
ʻE maʻu ʻe he māʻoniʻoní ʻa e melino ʻi māmani pea mo e moʻui taʻengata ʻi he maama ka hoko maí, T&F 59:23 .
Ko kinautolu te nau kātaki ki he ngataʻangá, te nau maʻu ha kalauni ʻo e moʻui taʻengata, T&F 66:12 (T&F 75:5 ).
Ko kinautolu kotoa pē kuo nau pekia ʻoku teʻeki ai ke nau maʻu ʻa e ongoongoleleí, ka naʻa nau mei tali ia ʻo kapau naʻa nau kei moʻui, te nau hoko ko e kau ʻea-hoko ki he puleʻanga fakasilesitialé, T&F 137:7–9 .
Ko e ngāue mo e nāunau ʻo e ʻOtuá, ke fakahoko ʻa e moʻui taʻemate mo e moʻui taʻengata ʻa e tangatá, Mōsese 1:39 .
ʻOku foaki ʻe he ʻOtuá ʻa e moʻui taʻengatá kiate kinautolu kotoa pē ʻoku talangofuá, Mōsese 5:11 .