Ngaahi Tokoni Ako
ʻIlaiase


ʻIlaiase

ʻOku lahi hono ngaahi ngāue ʻaki ʻo e hingoa ko e ʻIlaiasé ʻi he folofolá:

ʻIlaisiā

Ko e ʻIlaiasé ko e sipela (faka-Kiliki) ia ʻi he Fuakava Foʻoú ʻo e ʻIlaisiā (ʻi he lea faka-Hepeluú), ʻo hangē ko ʻene ʻasi ʻi he Mātiu 17:3–4, Luke 4:25–26, mo e Sēmisi 5:17. Ko ʻIlaiasé ko e palōfita ia ko ʻIlaisiā ʻi he kuonga muʻá ʻa ia ʻoku tohi ʻene ngaahi ngāué ʻi he 1 mo e 2 Ngaahi Tuʻí.

Ko e fakamelomelo

Ko e ʻIlaiasé, ko e hingoa ia ʻoku foaki ki ha taha ʻoku hoko ko ha fakamelomelo. Hangē ko ʻení, naʻe hoko ʻa Sione Papitaiso ko ha ʻIlaiase, koeʻuhí ko hono fekau mai ia ke ne teuteu ʻa e hala ʻo Sīsuú (Mātiu 17:12–13).

Ko e toko taha ʻokú ne fakafoki mai ha meʻa

ʻOku toe ngāue ʻaki foki ʻa e hingoa ʻIlaiasé ki ha niʻihi ʻoku ʻi ai haʻanau misiona makehe ke fakahoko, hangē ko Sione Fakahā (T&F 77:14) mo Kepalelí (Luke 1:11–20; T&F 27:6–7; 110:12).

Ko ha tangata ʻi he kuonga ʻo ʻĒpalahamé

Ko ha palōfita naʻe ui ko ʻEsaiasi pe ʻIlaiase ʻa ia naʻe moʻui ʻi he ngaahi ʻaho ʻo ʻĒpalahamé (T&F 84:11–13; 110:12).