ʻĒlone, Tokoua ʻo Mōsesé Vakai foki ki he Lakanga Taulaʻeiki Faka-ʻĒloné; Mōsese Ko ha foha ʻo ʻAmilami mo Siokāpeti ʻi he Fuakava Motuʻá, mei he faʻahinga ʻo Līvaí (ʻEke. 6:16–20); ko e taʻokete ʻo Mōsese (ʻEke. 7:7). Naʻe fili ia ʻe he ʻEikí ke tokoni kia Mōsese ʻi hono ʻomi ʻo e fānau ʻa ʻIsilelí mei ʻIsipité pea ke ne hoko ko ʻene tangata lea, ʻEke. 4:10–16, 27–31; 5:1–12:51. Naʻe maʻu ai ʻe Mōsese ʻi he Moʻunga Sainaí, ʻa e ngaahi fakahinohino kau ki hono fili ʻo ʻĒlone mo hono ngaahi foha ʻe toko faá ki he Lakanga Taulaʻeiki Faka-ʻĒloné, ʻEke. 28:1–4. Ngaohi ha ʻuhikiʻi pulu koula tuʻunga ʻi ha kole ʻa e kakaí, ʻEke. 32:1–6, 21, 24, 35. Mate ʻi he Moʻunga ko Hoá ʻi hono taʻu 123, Nōmipa 20:22–29 (Nōmipa 33:38–39). Naʻe foaki foki ʻe he ʻEikí ha lakanga fakataulaʻeiki kia ʻĒlone mo hono hakó, T&F 84:18, 26–27, 30. Ko kinautolu ʻoku nau ngāueʻi honau ngaahi lakanga ʻi he lakanga fakataulaʻeikí ʻoku nau hoko ko e ngaahi foha ʻo Mōsese pea mo ʻĒlone, T&F 84:33–34. ʻE fakatonuhiaʻi ʻe he ʻEikí ʻa e ngaahi ngāue māʻoniʻoni ʻa kinautolu kuo ui ʻe he Tamaí ʻo hangē ko ʻĒloné, T&F 132:59.