Fekau ʻe Hongofulú

Ko e ngaahi fono ia ʻe hongofulu naʻe foaki ʻe he ʻOtuá ʻo fou mai ʻi he palōfita ko Mōsesé ke puleʻi ʻaki ʻa e ʻulungāanga fakaangamaʻá.

Ko e hingoa faka-Hepelū ki he ngaahi fekau ko ʻení ko e “Folofola ʻe Hongofulú.” ʻOku toe ui foki ia ko e Fuakavá (Teut. 9:9) pe ko e Fakamoʻoní (ʻEke. 25:21; 32:15). ʻOku fakamatalaʻi ʻi he ʻEke. 19:9–20:23; 32:15–19; 34:1 ʻa hono foaki mai ʻe he ʻOtuá ʻa e Fekau ʻe Hongofulú kia Mōsesé, pea meiate ia ki ʻIsileli. Naʻe tongitongi ʻa e ngaahi fekaú ʻi ha maka ʻe ua, ʻa ia naʻe tuku ʻi ha Puha; ʻa ia ko e Puha naʻe ui ko e Puha ʻo e Fuakavá (Nōmipa 10:33). Naʻe lau ʻe he ʻEikí mei he Teut. 6:4–5 mo e Lev. 19:18, ʻo ne fakanounouʻi ʻa e Fekau ʻe Hongofulú ʻi ha “fekau lalahi ʻe ua” (Mātiu 22:37–39).

Kuo toe fakahā mai ʻa e Fekau ʻe Hongofulú ʻi he fakahā ʻi he onopooni (Mōsaia 12:32–37; 13:12–24; T&F 42:18–28; 59:5–13; LSS, ʻEke. 34:1–2).