Fatongiá Vakai foki ki he Talangofuá ʻOku ʻuhinga ia ʻi he ngaahi folofolá, ki ha ngāue, tufakanga ngāue ke fai, pe vahaʻangatae ʻoku faʻa tuku mai ʻe he ʻEikí pe ko ʻene kau tamaioʻeikí. Fai ki heʻene ngaahi fekaú; he ʻoku kātoa ʻi he meʻá ni ʻa e ngāue totonu ʻa e tangatá, Tngt. 12:13. Ka ko e hā ʻoku ʻamanaki ʻe Sihova ʻiate koé, ka ke ke faitotonu, Maika 6:8. ʻOku totonu ʻemau talangofua ki he ʻOtuá ʻi he tangatá, Ngāue 5:29. Naʻe teʻia ʻa kinautolu ʻaki ʻa e ngaahi faingataʻaʻia fakamamahi koeʻuhi ke ueʻi hake ʻa kinautolu ke nau manatuʻi ʻa honau fatongiá, Mōsaia 1:17. Ko hono fakamatalaʻi ʻo e ngaahi fatongia ʻo e kaumātuʻá, kau taulaʻeikí, kau akonakí, mo e kau tīkoní, T&F 20:38–67. Kuo pau ke fai ʻe he kau lakanga fakataulaʻeikí ʻa honau ngaahi fatongia fakafāmili kotoa pē, T&F 20:47, 51. Ko hono fakamatalaʻi ʻo e ngaahi fatongia ʻo e kāingalotú hili honau papitaisó, T&F 20:68–69. ʻOku totonu ke tatali ʻa ʻeku kaumātuʻá ʻo fuofuoloa siʻi koeʻuhi ke lava ʻe hoku kakaí ʻo ʻilo ʻo haohaoa ange ki honau fatongiá, T&F 105:10. Tuku ke ako ʻe he tangata kotoa pē ʻa hono fatongiá, T&F 107:99–100.