Tākaí

ʻI he ngaahi kuonga ʻi muʻá, naʻe hanga ʻe he kau palōfita ʻa e ʻEikí ʻo tākai (pani) ʻaki ʻa e lolo ʻa kinautolu te nau fakahoko ha ngaahi fatongia makehé, hangē ko ʻĒlone pe ko e kau taulaʻeikí pe ko e ngaahi tuʻi te nau pule ki ʻIsilelí. Ka ʻi he Siasí ʻi he ʻahó ni, ko e tākaí ko hano ʻai ha tulutā ʻe taha pe ua ʻo e lolo kuo fakatapui ki he ʻulu ʻo ha taha ʻo hoko ko e konga ʻo ha tāpuaki makehe. ʻOku toki fai pē ʻeni ʻo fakatatau ki he mafai mo e mālohi ʻo e Lakanga Taulaʻeiki Faka-Melekisētekí. Ko e ʻosi pē hono tākaí, ʻoku hanga leva ʻe ha taha ʻokú ne ngāue ʻo fakatatau ki he mafai ʻo e lakanga fakataulaʻeiki pē ko iá ʻo fakamaʻu ʻa e tākaí mo foaki ange ha tāpuaki makehe ki he tokotaha ʻoku tākaí.