Fakapapau mo e Fuakava ʻo e Lakanga Fakataulaʻeikí

Ko e fakapapaú ʻoku fai ia ke fakapapauʻi ai ʻa e faitotonu mo e tauhi faivelenga ha taha ki heʻene ngaahi palōmesí. Ko e fuakavá ha fepalōmesiʻaki toputapu ʻi he vahaʻa ʻo ha faʻahi ʻe ua. ʻOku maʻu ʻa e Lakanga Taulaʻeiki Faka-ʻĒloné ʻi he fuakava pē. ʻOku maʻu ʻe he kau maʻu Lakanga Taulaʻeiki Faka-Melekisētekí ʻa e lakanga fakataulaʻeikí ʻi ha fakapapau ʻoku ʻikai lea ʻaki, pea ʻi ha fuakava foki. Ko e taimi ko ia ʻoku faivelenga ai mo fua totonu ʻe he kau maʻu lakanga fakataulaʻeikí ʻa honau ngaahi uí ʻo fakatatau ki he fakahinohino ʻa e ʻOtuá, ʻokú ne tāpuakiʻi ai ʻa kinautolu. Ko kinautolu ko ia ʻoku nau faivelenga ʻo aʻu ki he ngataʻangá pea nau fai ʻa e meʻa kotoa pē ʻokú ne fekau kiate kinautolú te nau maʻu ʻa e ngaahi meʻa kotoa pē ʻoku maʻu ʻe he Tamaí (T&F 84:33–39).