Kāleli

Ko e vahe fakatokelau taupotu taha ia ʻo ʻIsileli ʻi he hihifo ʻo e Vaitafe Soataní mo e tahi ʻo Kālelí ʻi he kuonga muʻá pea mo e onopōní foki. Ko hono lahi ʻo Kālelí ʻoku maile nai ʻe onongofulu (kilomita ʻe hivangofulu mā fitu) lōloa pea maile ʻe tolungofulu (kilomita ʻe fāngofulu mā valu) hono maokupú. ʻI he kuonga muʻá, naʻe tuʻu ʻi Kāleli ʻa e niʻihi ʻo e ngaahi potu fonua lelei tahá, mo e ngaahi kolo femoʻuekina taha ʻo ʻIsilelí. Naʻe fou atu ʻi Kāleli ʻa e ngaahi hala lalahi mahuʻinga ki Tāmasikusi, ʻIsipite mo e hahake ʻo ʻIsilelí. Naʻe tupu mei hono ʻea fakaʻofoʻofá mo e moʻui hono kelekelé ʻa e tupu lahi ai ʻa e ʻakau ko e ʻōlivé, uité, paʻalé, mo e kālepí. Naʻe hoko ʻa e ngaahi taulanga toutai ʻi he ngaahi matātahi ʻo e Tahi Kālelí ko e feituʻu fefakatauʻaki lahi mo e meʻa ke maʻu ha koloa lahi mei ai. Naʻe nofo ʻa e Fakamoʻuí ʻi ha konga lahi ʻo hono taimí ʻi Kāleli.