Loto-tāufehiʻá Vakai foki ki he Sāuní; Tāufehiʻá; ʻOfá Ko e fehiʻá ko ha ongo mālohi ia ʻo e ʻikai saiʻia ʻi ha taha pe ha faʻahinga meʻa. Ko au ko e ʻOtuá, ʻoku ou totongi ʻa e hia ʻa e ngaahi tamaí ki he fānaú ʻo kinautolu ʻoku fehiʻa kiate aú, ʻEke. 20:5. Ko e ngaahi meʻa ʻeni ʻe ono ʻoku fehiʻa ai ʻa e ʻEikí, LFkt. 6:16. ʻOku fehiʻa ʻa e tangata valé ki heʻene faʻeé, LFkt. 15:20. ʻOku fehiʻanekina ia pea liʻaki ʻe he tangatá, ʻĪsaia 53:3. Failelei kiate kinautolu ʻoku fehiʻa kiate kimoutolú, Mātiu 5:44. Te ne fehiʻa ki he toko taha, kae ʻofa ki he toko taha; pea te ne kau mo e toko taha, kae liʻaki ʻa e toko taha, Mātiu 6:24. ʻE fehiʻanekina ʻa kimoutolu ʻi he kakai kotoa pē koeʻuhi ko hoku hingoá, Mātiu 10:22. Ko ia kotoa pē ʻoku fai koví ʻoku fehiʻa ki he māmá, Sione 3:20. ʻOua naʻa manukiʻi hoʻo kei siʻí ʻe ha taha, 1 Tīm. 4:12. Ko e meʻa ʻi heʻenau koloaʻiá, ʻoku nau fehiʻa ai ki he masivá, 2 Nīfai 9:30. ʻOua naʻa liʻaki ʻa e ngaahi fakahā ʻa e ʻOtuá, Sēkope 4:8. Naʻa nau maʻu ha tāufehiʻa taʻengata kiate kimautolu, Sēkope 7:24. ʻOku liʻaki ʻe he tangatá ʻa e ngaahi akonaki ʻa e ʻOtuá, pea fehiʻa ki heʻene ngaahi folofolá, T&F 3:7. Naʻe fehiʻanekinaʻi mo fakatangaʻi au koeʻuhi ko ʻeku taukaveʻi kuó u mamata ki ha meʻa-hā-maí, SS—H 1:25.