ʻOku ngāue ʻaki ʻa e fakamolemolé ʻi he folofolá ʻo ʻuhinga ki ha taha ʻo e meʻa ko ʻeni ʻe ua: (1) Ko e taimi ko ia ʻoku fakamolemoleʻi ai ʻe he ʻOtuá ʻa e tangatá, ʻokú ne toʻo ʻaupito, pe ʻokú ne tuku ki he tafaʻakí ha tautea naʻe fie maʻu ke fai ki ha angahala. ʻOku ʻatā kiate kinautolu kotoa pē ʻoku fakatomalá ha fakamolemole ki heʻenau ngaahi angahalá tuʻunga ʻi he fakalelei ʻa Kalaisí, tuku kehe pē ʻa kinautolu ʻoku nau halaia ʻi he fakapoó pe ko e angahala ʻoku ʻikai faʻa fakamolemoleʻi ki he Laumālie Māʻoniʻoní. (2) Ko e taimi ko ia ʻoku fefakamolemoleʻaki ai ʻa e kakaí, ʻoku nau feʻofaʻaki ʻiate kinautolu ʻaki ʻa e ʻofa faka-Kalaisí pea ʻikai te nau maʻu ha loto-taaufehiʻa kiate kinautolu ʻoku fai hala mai kiate kinautolú (Mātiu 5:43–45; 6:12–15; Luke 17:3–4; 1 Nīfai 7:19–21).