Teutalōnome

Ko hono ʻuhingá “ko hono toe fakamanatu ʻo e fonó” pea ko e tohi ia hono nima ʻi he Fuakava Motuʻá.

ʻOku ʻi he Teutalōnomé ʻa e malanga fakamuimui ʻe tolu ʻa Mōsesé, ʻa ia naʻá ne fai ʻi he ngaahi toafa tokalelei ʻo Mōapé ki muʻá peá ne toki liliú. Ko e malanga fika ʻuluakí (vahe 1–4), ko ha talateu pē ia. Ko e malanga hono uá (vahe 5–26) ʻoku konga ua ia: (1) vahe 5–11—Ko e Fekau ʻe Hongofulú pea mo hano fakamatalaʻi ʻo kinautolu taki taha; pea ko e (2) vahe 12–26—ko ha ngaahi fono ia, ʻa ia ʻoku nau hoko ko e uho ʻo e tohí hono kotoa. Ko e malanga hono tolú (vahe 27–30) ʻoku kau ai hano fakafoʻou molumalu ʻo e fuakava ʻi he vahaʻa ʻo ʻIsileli mo e ʻOtuá pea mo hano fakahā ʻo e ngaahi tāpuaki ʻoku maʻu mei he talangofuá mo e ngaahi malaʻia ʻoku tupu mei he talangataʻá. ʻOku hanga ʻe he vahe 31–34 ʻo fakamatalaʻi ʻa hono tuku ʻo e fonó ki he kau Līvaí, ko e hiva ʻa Mōsesé mo ʻene tāpuaki fakaʻosí, pea mo e mavahe ʻa Mōsesé.