Nehemaia
Ko ha ʻeiki ʻIsileli ia ʻi Pāpilone ʻi he Fuakava Motuʻa (mahalo ko ha Līvai ia pe mei he faʻahinga ʻo Siutá) ʻa ia naʻá ne maʻu ʻa e lakanga ko e tokotaha toʻo ipu ʻi he palasi ʻo ʻAtakisekisí, ʻa ia naʻá ne maʻu mei ai ʻa e tuʻutuʻuni fakatuʻi ʻo fakamafaiʻi ia ke ne toe langa hake ʻa e ngaahi ʻā ʻo Selūsalemá.
Ko e tohi ʻa Nehemaiá
Ko e tohi ko ʻení ko hano hoko atu pē ia ʻo e tohi ʻa ʻĒselá. ʻOku tohi ai ha fakamatala ki he fakalakalaka ki muʻa mo e ngaahi faingataʻa ʻo e ngāue ʻi Selūsalemá hili ʻa e foki ʻa e kau Siú mei he nofo pōpula ʻi Pāpiloné. ʻOku fakamatala ʻa e vahe 1–7 ki he ʻuluaki ʻaʻahi mai ʻa Nehemaia ki Selūsalemá pea mo hono toe langa hake ʻo e ngaahi ʻā ʻo e koló, neongo ʻa e ngaahi fakafepaki lahi naʻe fai mai ki aí. ʻOku hanga ʻe he vahe 8–10 ʻo fakamatalaʻi ʻa e ngaahi fakafoʻou fakalotu mo fakasōsiale naʻe feinga ʻa Nehemaia ke fakahokó. ʻOku fakahā mai ʻi he vahe 11–13 ʻa e lisi ʻo e ngaahi hingoa ʻo kinautolu naʻe taau mo feʻungá pea fakamatala foki ki hono tāpuakiʻi mo fakatapui ʻa e ʻaá. ʻOku tohi ʻi he veesi 4–31 ʻo e vahe 13 ʻa e fakamatala ki he ʻaʻahi hono ua ʻa Nehemaia ki Selūsalemá, hili haʻane mamaʻo mei ai ʻi ha taʻu ʻe hongofulu mā ua.