Siosefa, Husepāniti ʻo Melé

Ko Siosefá ko e husepāniti ia ʻo Mele, ko e faʻē ʻa Sīsuú, pea ko e hako ia ʻo Tēvita (Mātiu 1:1–16; Luke 3:23–38) pea naʻá ne nofo ʻi Nāsaleti. Naʻe fakamaʻu ia kia Mele. Ka ki muʻa ʻi heʻena malí, naʻe ʻaʻahi mai ai ʻa e ʻāngelo ko Kepalelí kia Mele, pea naʻá ne fakahā mai kia Mele kuo fili ia ke ne hoko ko e faʻē ʻa e Fakamoʻuí (Luke 1:26–35). Naʻe toe maʻu foki ʻe Siosefa mo ha fakahā ʻo kau ki he ʻaloʻi fakalangi mai ko ʻení (Mātiu 1:20–25).

Ko Mele pē ʻa e faʻē fakamāmani ʻa Sīsuú koeʻuhí he ko e ʻOtua ko e Tamaí ʻa e tamai ʻa Sīsuú. Ka ʻoku lau ʻe he kau Siú ia ʻa Siosefa ko e tamai ia ʻa Sīsuú, pea naʻe lau pē foki mo ia ʻe Sīsū ko ʻene tamai (Luke 2:48, 51). Naʻe fai mai ha fakatokanga ʻi ha ngaahi misi fakalangi kia Siosefa ke fakahaofi ʻa e moʻui ʻa e kiʻi pēpē ko Sīsuú ʻi haʻane hola ki ʻIsipite (Mātiu 2:13–14). Ka ʻi he hili ʻa e pekia ʻa Hēlotá, naʻe fakahā ʻe ha ʻāngelo kia Siosefa ke ʻave ʻa Kalaisi ʻo foki ki ʻIsileli (Mātiu 2:19–23).