Lomá, Tohi ki he Kakai

Ko ha tohi ia naʻe fai ʻe Paula ʻi he Fuakava Foʻoú ki he Kāingalotu ʻi Lomá. Naʻá ne lolotonga fakakaukau ki haʻane ʻaʻahi ki Selūsalema, ʻa ia naʻe mahino ʻe fakatuʻutāmaki kiate ia. Naʻá ne ʻamanaki te ne ʻaʻahi ki Loma ʻo kapau te ne hao moʻui mai. Ko e konga foki ʻe taha ʻo e taumuʻa ʻo e tohí ke teuteuʻi ʻa e Siasi ʻi aí ke tali ia ʻi haʻane ʻalu atu ki ai. ʻE lava ʻo toe pehē foki naʻe kau ki ai ha fakamatala ki ha ngaahi tokāteline ʻa ia naʻe lahi hano fakakikihiʻi pea ʻoku pehē ʻe Paula he taimi ko ʻení kuo fakamahinoʻi ia.

ʻOku ʻi he vahe 1 ha talomonū ʻa Paula ki he kakai Lomá. ʻOku kau ʻi he vahe 2–11 ha ngaahi fakamatala lahi ʻo kau ki he tokāteline ʻo e tuí, ngaahi ngāué, mo e ʻaloʻofá. ʻOku kau ʻi he vahe 12–16 ha ngaahi akonaki fekauʻaki mo e ʻofá, fua fatongiá, mo e māʻoniʻoní.