Ko ha tamasiʻi siʻi, ko e tokotaha ʻoku teʻeki ke hoko ʻo tangata pe fefine. Ko e fatongia ʻo e ngaahi tamaí mo e faʻeé ke nau akoʻi ʻenau fānaú ke nau talangofua ki he finangalo ʻo e ʻOtuá. ʻOku ʻikai ha angahala ʻa e fānaú kae ʻoua kuo nau taʻu motuʻa feʻunga ke ala ʻekeʻi meiate kinautolu ʻa ʻenau ngaahi ngāué (Molonai 8:22 ; T&F 68:27 ).
Ko e fānaú ko e tofiʻa ia mei he ʻEikí, Same 127:3–5 .
Akonakiʻi ʻa e tamasiʻí ʻi he hala ʻoku totonu ke ne ʻalu aí, LFkt. 22:6 .
Kapau naʻe ʻikai ʻa e hingá, ʻe ʻikai maʻu ʻe ʻĀtama mo ʻIvi ha fānau, 2 Nīfai 2:22–23 .
Akoʻi ʻa e fānaú ke nau ʻaʻeva ʻi he moʻoní mo e anga-fakamoʻomoʻoní, Mōsaia 4:14–15 .
ʻOku maʻu ʻe he fānau īkí ʻa e moʻui taʻengatá, Mōsaia 15:25 .
Naʻe fua hake ʻe Sīsū ʻa e fānau īki ʻo tāpuakiʻi ʻa kinautolu, 3 Nīfai 17:21 .
Pea ʻe akonekina hoʻo fānau kotoa pē ʻe he ʻEikí; pea ʻe lahi ʻa e melino ʻe maʻu ʻe hoʻo fānaú, 3 Nīfai 22:13 (ʻĪsaia 54:13 ).
ʻOku ʻikai fie maʻu ʻe he fānau īkí ʻa e fakatomalá pe papitaisó, Molonai 8:8–24 .
Kuo huhuʻi ʻa e fānau īkí talu mei hono ʻai ʻo e tuʻunga ʻo māmaní ʻi hoku ʻAlo pē Taha naʻe Fakatupú, T&F 29:46–47 .
ʻOku totonu ke akoʻi ʻe he mātuʻa ʻa e ngaahi tefitoʻi moʻoni mo e ngaahi ngāue ʻo e ongoongoleleí ki heʻenau fānaú, T&F 68:25, 27–28 .
ʻOku māʻoniʻoni ʻa e fānau īkí ʻi he fakalelei ʻa Kalaisí, T&F 74:7 .
Kuo fekau ki he ngaahi mātuʻá ke nau akonekina ʻa ʻenau fānaú ʻi he māmá mo e moʻoní, T&F 93:40 .
Ko e fānau iiki kotoa pē kuo nau pekia ka ʻoku teʻeki ai ke taʻu motuʻa feʻunga ke ala ʻekeʻi meiate kinautolu ʻa ʻenau ngaahi ngāué, ʻoku fakamoʻui ʻa kinautolu ʻi he puleʻanga fakasilesitialé, T&F 137:10 .