Meʻa-foaki ʻo e Laumālie Māʻoniʻoní

Ko e totonu ia ʻa e mēmipa kotoa pē kuo papitaiso ki he Siasí ʻa ia ʻoku feʻunga mo tāú ke nau maʻu maʻu pē ʻa e mālohi ʻo e Laumālie Māʻoniʻoní. Ko e hili pē ʻa e papitaiso ʻo ha taha ki he Siasi moʻoni ʻo Sīsū Kalaisí, ʻokú ne maʻu leva ʻa e meʻa-foaki ʻo e Laumālie Māʻoniʻoní ʻi he hilifaki ʻo e nima ʻe ha taha ʻokú ne maʻu ʻa e mafai totonú (Ngāue 8:12–25; Molonai 2:1–3; T&F 39:23). ʻOku faʻa ui ʻa hono maʻu ʻo e meʻa-foaki ʻo e Laumālie Māʻoniʻoní, ko ha papitaiso ʻaki ia ʻa e afi (Mātiu 3:11; T&F 19:31).