Fuakava Foʻoú

Ko ha fakatahatahaʻi ia ʻo e ngaahi tohi fakalaumālie (ʻa ia naʻe ʻuluaki tohi ʻi he lea faka-Kilikí) ʻoku kau ki he moʻui mo e ngāue fakafaifekau ʻa Sīsū Kalaisí, ko e kau ʻAposetoló, mo e kau muimui kehe ʻo Sīsū Kalaisí. ʻOku vahevahe ʻa e Fuakava Foʻoú ki he Ngaahi Kōsipelí, ko e ngaahi Ngāue ʻa e Kau ʻAposetoló, ngaahi tohi (ʻipiseli) ʻa Paulá, ko e ngaahi tohi (ʻipiseli) fakalūkufuá, mo e tohi ʻo e Fakahaá.

Ko e Kōsipeli ʻe faá—ko e ngaahi tohi ia ʻa Mātiu, Maʻake, Luke, mo Sioné—ko e ngaahi fakamatala ia ki he moʻui ʻa Kalaisí. Ko e tohi ʻo e Ngaahi Ngāué ko e ngaahi lekooti ia ʻo e hisitōlia ʻo e Siasí mo e kau ʻAposetoló, kae tautautefito ki he ngaahi fononga fakafaifekau ʻa Paula, hili ʻa e pekia ʻa Kalaisí. Naʻe tuku ʻe he ngaahi tohi ʻa Paulá ha ngaahi fakahinohino ki he kau taki ʻo e Siasí mo e kāingalotú. Naʻe fai ʻa e ngaahi tohi kehé ʻe he kau ʻAposetolo kehe pea naʻe fai mai ai ha ngaahi naʻinaʻi kehe ki he Kāingalotu ʻi muʻá. Ko e tohi ʻo e Fakahaá ʻa ia naʻe fai ʻe he ʻAposetolo ko Sioné, ko hono konga lahi ko e ngaahi kikite ia naʻe fai ʻo kau ki he ngaahi ʻaho fakaʻosí.