Fakapōpulaʻí Vakai foki ki he Tauʻatāiná Ke nofo pōpula fakaesino pe fakalaumālie. Naʻe ʻalu ʻa e fale ʻo ʻIsilelí ki he pōpula koeʻuhi ko ʻenau fai halá, ʻIsikeli 39:23. Ko ia ʻokú ne tataki ki he pōpulá ʻe moʻua ia ki he pōpula, Fakahā 13:10. ʻE ʻohifo ʻa e kau fai angahalá ki he fakapōpula ʻa e tēvoló, 1 Nīfai 14:4, 7. ʻOku tauʻatāina ʻa e tangatá ke fili ʻa e tauʻatāiná mo e moʻui taʻengatá pe pōpulá mo e maté, 2 Nīfai 2:27. ʻOku hanga ʻe he holi fakakakanó ʻo foaki ki he laumālie ʻo e tēvoló ʻa e mālohi ke fakapōpulaʻi, 2 Nīfai 2:29. ʻOku feʻunga koā hoʻomou manatú ki hono fakapōpulaʻi ʻa hoʻomou ngaahi tamaí, ʻAlamā 5:5–6. Ko kinautolu ʻe fakafefekaʻi honau lotó ʻe fakapōpulaʻi ʻa kinautolu ʻe he tēvoló, ʻAlamā 12:11. Leʻo mo lotu maʻu ai pē, telia naʻa ʻahiʻahiʻi ʻa kimoutolu ʻe he tēvoló, peá ne taki pōpula atu ʻa kimoutolu, 3 Nīfai 18:15.